Skandall að þurfa að sitja inni í þessu veðri, algjör skandall, ég mæli með að allir þeir sem eru að vinna inni í dag, fari í eins dags setuverkfall niður í laugardal og mótmæli því óréttlæti sem albinóískir nashyrningar verða fyrir á hverjum degi. Ég kem með ís.

Britz

Verzlunarmannahelgin...viltu vera memm?
Jæja nú er hún enn og aftur að fara að bresta á, helgin sem allir djammóðir einstaklingar hlakka til, helgin þar sem allir eru löglega afsakaðir að hegða sér eins og 14 ára og drepast (áfengisdauða of course) út á víðavangi með pela og snuð í kjafti. Þar sem fullorðnir og unglingar geta sameinast sem jafningjar og drepist hlið við hlið, ælt í sama runna og sungið bubbalög. Já þessi hátíð ölvunar og fíflaskaps er ekki nema rúma viku frá og maður hefur ekki nein plön. Fólk í kringum mann er farið að semja niðrandi slagorð á peysurnar sínar og hanna bjórbeltin, en ég sjálfur hef ekki nein plön. Eiginlega svolítið leim. Ég hef því tekið á það ráð að leigja mig út til hæstbjóðanda þessa helgi, já Britzinn fæst leigður gegn yfirsprengdu verði þessa helgi, hæsta boði tekið. Og hvað ertu að fá þegar þú leigir eitt stykki Britz. Jú þú færð nonstop fagurgala söng (eins lengi og einhver er með gítar og kann bubbalög og Britzinn búinn að fá sér aðeins í aðra tánna), færð að kynnast ómótstæðilegum húmor á hæsta plani(you like apples, I got banana...), færð einstaklega fagran einstakling með í för, færð 1.flokks kokk (ef þú vilt bakaðar baunir og brauð) og færð einstakling með sem mun sjá til þess að þú munt klára allt vökvakennt áður en heim er haldið. Já það er sko mikið sem þú færð og því ef þig vantar power boost í þína verzlunarmannahelgi þá myndi ég ekki láta þetta framhjá þér fara. Hægt er að bjóða í mig í gegnum commentin....

Annars þá var helgin sem leið ansi öflug, flott teiti heima á föstudag sem endaði milli 4 og 5, útlendingarnir ásamt okkur hinum skemmtum okkur bara nokkuð vel og svo á laugardaginn varð óvænt bæjarferð sem endaði bara í asskoti skemtilegum pakka.

Jæja kótilettutími...

Það er fátt leiðinlegra en fólk sem er á leiðinni í sumarfrí. Einmitt í dag er síðasti vinnudagur yfirmanns míns, hann er að fara í 3 vikur í frí og þar af 2 í útlöndum. Hann byrjaði daginn á að mæta með sólskinsbros til vinnu og segja góðan daginn við alla á hans vegi og núna síðustu 2 tímanna hefur hann verið að syngja með sólarlandarlögum og minna alla á hans vegi að hann sé að fara í frí en ekki þau...gjörsamlega óþolandi..vona að það rigni allt sumarfríið hans..bwaahahaha..

Annars er bara allt fínt að frétta, föstudagur, teiti í kvöld, jón og fúsi og co að mæta, verður gaman..

Schönes Wochenende...

Sjibbí....
Góðar fréttir, Jón og Fúsi mæta á skerið í lok vikunnar, verður tekið á því þá á föstudagskvöldið. Þeir sem þekkja til mannanna eru velkomnir að bera þá augum á föstudaginn, líklegast í slotinu mínu...annars gunnarssloti.

Helgin var fín, vinum sinnt á laugardaginn, tinnu á sunnudaginn og ofát að venju alla helgina..öss

Ég er búinn að finna nýja skilgreiningu á lífi mínu, þessa skilgreiningu, eiginlega formúlu kalla ég "Allt eða ekkert". Jú þannig er það að annaðhvort er ALLT að gerast eða ekkert, bara td ég fatta það einn daginn að mér langar að skipta um vinnu, jú þá bíðst mér 3 job, hver öðru betra. Í vinnunni er búið að vera svona þægilega mikið að gera nema hvað í morgun þá ákveður einhver að ALLT kerfið eigi að fara í fokk, bara svona til að sjá mig svitna. Til eru fleiri dæmi en þetta er alveg magnað. Afhverju virkilega þarf allt að hrúgast upp svona allt í einu, alveg gjörsamlega óþolandi..össs

Jæja farinn að slafra í mig gúllasgumsi...

Miðvikudagságrip...
Helgin sem leið var fín, smá teiti heima á skeljó á laugardaginn, öl, gítar og svo bæjarferð, einstaklega skemmtilegt og held ég að allir hafi verið sammála um það. Sunnudagurinn fór í hjúkrunarstörf og hreingerningar, en Tinna lá upp í sófa og gat ekki hreyft sig vegna verkja sem voru afleiðing heilsuræktarátaksins mikla...en svo overall barasta fínasta helgi.

Í gær fékk ég svo langþráð skilrúm hingað í vinnuna, ekki nema 3 mánaðar biðtími og mjög svo gott að fá þau nú þegar maður er að fara að hætta. En núna er maður lokaður inn í sinn cubicle, með nægilegt skyggni til að geta lagt sig örlítið eftir matinn og leyft sér að kíkja í bubbles af og til, sem er algjör nauðsyn ef maður á að endast daginn hérna....fyrir þá sem ekki vita þá er bubbles þetta.

Flest hexanna eru mættar aftur til vinnu, alveg merkilegt hvað svona litlar kerlingar geta mjólkað sálinna án lítillar fyrirhafnar og það yfir talsverða vegalengd gegnum þó nokkra gifsveggi. Überhex FrauNeedaGettaBreina mætti til vinnu á mánudag og ég er ekki frá því að fólk sé almennt fýldara eftir að hún kom, gengur um þrammandi meðal fólks dreifandi lásí kommentum til allra sem á vegi hennar verða.."oj ertu í þessum bol, hann gerir þig svo feita...þú ert svo asnó svona sköllóttur...oj hvað gerðiru við andlitið á þér". Überhex FrauNeedaHevaSexa mætti svo í dag, ég held hún eigi núverandi heimsmet í skeifu, þá munnskeifu, hef ekki séð hana brosa, reyndar las ég á landsbókasafninu um daginn að það sást í bros 1946 þegar blindur tannlaus grænlendingur strandaði hér eftir 5 vikur á ísjaka og álpaðist upp á hana fyrir slysni, ruglaðist á henni og selsviðhaldinu sínu. Svo er reyndar ein í fríi ennþá, sem betur fer, en þegar þær eru allar á sama tíma í vinnunni þá magna þær hvor aðra upp og fólk byrjar að ganga á veggi og gráta án skýringa. Sem betur fer fer maður að sleppa héðan..

Jæja bubbles kallar...verðum í spotta...

Urrrrrr
Afhverju klikkar það sjaldnast þegar ég hlakka til einhvers eða geri mér einhverjar væntingar til einhvers að það nánast alltaf veldur mér vonbrigðum. Nú síðast í gær fór ég í bíó með Tinz og Korra, á War of the Worlds, mynd sem ætti ekki að vera hægt að klikka, flottir leikarar, Spielberginn að directa og hvað meira vill maður. En úff, jújú ég skemmti mér svona framan af nokkuð vel, geeegjaðar tæknibrellur, en eins og svo oft áður þegar menn ætla að gera stórmynd stórmyndanna þá fer allt púðrið í fyrri hluta myndarinnar og svo þegar það kemur að endinum þá einhvernveginn fellur bara spilaborgin, handritshöfundarnir bara missa dampinn og enda dótið bara með 5 dansandi álfum eða eitthvað álíka fáránlegu. Alllaveganna ég var ekki sáttur, og kenni henni um hversu illa ég svaf í nótt...

Topp 5 leiðinlegustu söngvarar alheimsins....já ALHEIMSINS Korri
5. Mariah Carey
4. Aaron Neville
3. Michael Bolton
2. Kenny G
og svo
1. Celin Dion