METALLICA BABY!
Í gær varð draumurinn að veruleika, um klukkan 21:30 að dönskum tíma steig á svið sú hljómsveit sem ég og mínir félagar hlustuðum hvað mest á sem unglingar og gerum reyndar enn í dag. Metallica menn stigu fram með tilheyrandi eldglæðingum og sprengjuhvellum og 40 þúsund trylltir áhorfendur gjörsamlega sprungu af spenningi. Í góða 2 tíma hoppaði maður og öskraði eins og stjórnlaus bavíani á fengitíma og hvert sem litið var mátti sjá fólk hegða sér eins. Ace fan #1 náði ásamt nokkrum úr genginu að troða sér alveg fremst og sjá átrúnaðargoðin í svona 15m fjarlægð en ég og kritz komumst ekki alveg svona framarlega. Stemmningin var æðisleg, svitinn, lyktin og hávaðinn..þetta var allt geggjað. Þeir sem eru svo heppnir að eiga miða á tónleikana 4.júlí heima verða sko ekki fyrir vonbrigðum.

Allaveganna þá sit ég hérna hás, með bólgna hljóðhimnu, þreyttar lappor en með feitt bros og hugsa til þess að ég sá METALLICA Í GÆR BEIBÍ...

Köben baby!
Jæja gott fólk, nú er flabbóinn staðsettur í Köbenhavn ásamt fögru föruneyti. Mættum hér á föstudag og síðan þá hefur dvölin verið ekkert nema eintóm hamingja. Ekki hefur liðið sú stund sem að hópurinn hefur ekki verið í góðum gír, bara að vona að það haldist út vikuna. Aktivití síðustu tveggja daga hefur verið samblanda af danskri öl menningu og matagerð. Höfum ekki beint gert mikið annað en að djamma á DTU kampusnum samnemendum Kritzs til mikils ama...hehe. Stefnan er tekin dt nú eftir nokkrar mínútur og Strikið skoðað ásamt hafmeyjunni og allt hvað það nú heitir. Allaveganna Flabbóinn lætur heyra frá sér þegar heilavirknin er kominn á full swing aftur.

farinn..

Yess Survivor er búinn!!
Klisjukenndasta froða fyrr eða síðar lauk í kvöld og annar eins mergsoginn gegnumslitinn lokaþáttur hefur ekki sést síðan síðasta survivor lokaþætti með tilheyrandi eyrnarmergsameríkusöngli og hetjuwannabebulli. Horfandi á einhverja bjálfa stinga hvorn annan í bakið út af einhverjum skitnum milljón kalli US..ppfftt...og hvernig lauk þessu, jú með því að kallinn og kellingin sem voru eftir giftu sig...ÞAU GIFTU SIG..það er sem sé allt falt í ameríkunni, svona til að tryggja það að hvorugt tapi þá gifta þau sig, lögsækja svo þann sem vann peninginn og skilja...endalaust bull. Ég er allaveganna feginn að þessi þarmaflækjandisjónskekkjandi ræpa sé búin og maður geti snúið sér aftur að þáttum sem fjalla um manneskjuna og sálina, já gott fólk, ég ætla að fara að horfa á "Maður er nefndur".

Usss...ekki trufla...

Fyrir sumarið, fyrir bústaðinn, fyrir útlandið, fyrir afmælið, fyrir brúðkaupið og auðvitað fyrir júróvísjón...Drykkjuleikjahandbókin!

Tilkynningar!

* Nú fyrir nokkrum dögum varð Vilbert Jósafínuson fréttaritari staðsettur upp í Árbæ og varð hann var við óútskýranlega rauða veru þar á vappi. "Veran glóði eins skærrauð pera á jólatréi en þó mátti sjá brúnkenndar doppur á víð og dreif á henni einnig" sagði fréttaritarinn góði. Hafa vísindamenn nær og fjær unnið nú hörðum höndum við að fá útskýringu á þessari furðuveru og hafa þeir dregið þá ályktun að A: Þetta ku hafa verið geimvera, B: Verið Olli epli á flótta undan Gauja litla eða þá C: Freknóttur árbæingur sem nýkominn hefur verið úr ljósatíma. "Aðeins tími og frekari rannsóknir munu koma okkur nær sannleikanum" sagði Randver Röntgen yfirmaður rannsóknarnefndar á fréttamannfundi síðla gærdags.

Tilkynningum líkur!

Hvað er svo málið krakkar, alles totes, júróvísjón á morgun..hvernig væri að fólk lifnaði aðeins við..haaa!!

Tilkynningar!
* Stebbz og Lindz eignuðust dóttur í gær klukkan 12:45, 52 sm og 16 merkur...til lukku!! :-)
* Flabbóinn leitar eftir vinum á júróvísjón..alveg sama hvernig vinum,...bara einhverjum...
* T-8 dagar í júnóvatt
* Rænulaus einstaklingur fannst við kirkjugarðinn við Suðurgötu í gærkvöldi um klukkan 11, reyndist það vera Ace McMaster, eftir að hafa náð rænu sagðist hann hafa verið í súperbrennslukraftgöngu síðan á þriðjudag, "Ég er bara enn of þungur" sagði hann við fréttamann, "Vill ná 62 kílóunum fyrir föstudaginn í næstu viku". Mun hann feta í fótspor Reyni Péturs í næstu viku og labba hringinn í kringum landið nema hvað hann ætlar að vera í 3 lopapeysum allan tímann. "Þetta mun verða kynning á íslenskum textíliðnaði sem og landi" sagði hann áður en hann rauk af stað með sveiflandi mjaðmahreyfingum.
* Íslendingur búsettur í Frakklandi var á dögunum ákærður fyrir stórfellt áfengisbrot í garð Frakka en hann er sagður einoka allt rauðvín í Frakklandi. Hann var handtekinn í íbúð sinni við Luchampagne stræti aðfaranótt miðvikudags eftir að vitni höfðu séð hann burðast með 12 kassa af rauðvíni upp brunastiga. "Hann bara leyfir okkur ekki að fá neitt rauðvín" sagði Pier LuRosso vínsmökkunarmaður súr á svip. Þegar íslendingurinn var spurður þá svaraði hann "En þetta er bara svo gott, jú get a little red wine and some tjíís..." Yfirvöld hafa ekki gefið neina yfirlýsingu um hvort hann verði kærður fyrir einokun á rauðvíninu en slík brot varða yfirleitt allt að 3 mánuðum í Fjarkanistan.

Ekki voru fleiri tilkynningar að svo stöddu, ég þakka áheyrnina, bless bless...

Stúpid Cat!
Sá sem sagði að kettir væri klárir hefur greinilega aldrei átt kött. Það er eitt stykki svona skrípi á okkar heimili og vá hvað hann er með takmarkaða heilavinnslu. Til dæmis, eftir að hafa verið hjá okkur núna í þó nokkurn tíma þá er hann ekki að fatta að það er ekki hægt að bremsa snögglega á parketi og því svona 4 sinnum á dag dúndrast hann flatur á hurðar og veggi, svona 3 svar í viku nær hann að finna glugga sem er opinn og klifra út, sjáandi svo að það er engin leið af gluggasillunni, hvorki afturábak eða áfram þar sem við erum á 2.hæð, hann er ekki að fatta að hann megi ekki klóra sófasettið þrátt fyrir að hann er rassskelltur í hvert skipti sem hann ræðst á það, hann villist reglulega ofaní plastpoka og finnur ekki leiðina út aftur...og ég gæti haldið áfram, en það er hægt að hlæja að þessum skrípum og er það víst fyrir mestu en ALDREI kalla kött kláran.

Júróvísjón in T-3 og ENGIN plön eru farin að myndast, þetta er hreint út sagt HÖRMULEGT...ég held að ég og ace og gonzo verðum að halda neyðarfund um þetta, gengur ekki að bara enda heima með popp, mjólk og partíhatt. Hugsanlegt er að litla frænka mín mæti um kvöldið og fari með mig í kaffi hjá samtökum eldri borgara og vinleysingja þar sem boðið verður upp á bingó og brids spilun fram á rauða nótt, sem endar víst með dreifingu svefn og ristilhreinsilyfja kringum kl 11. VILL ENGINN LEIKA..segi ég nú barasta..þið eruð hex!

Jæja farinn að vorkenna mér meir út af komandi helgi...

Jæja, nú er ég eiginlega orðinn óvinnufær vegna tilhlökkunar, ef maður er ekki að skrifa um fríið sitt þá er maður að láta sig dreyma um það eða talandi um það, ég held ég gæti eins verið bara kominn í frí því að það að hlakka svona mikið til er eiginlega full time job. Eiginlega held ég að flest aðrir en við ferðalangar Z-klúbbzins séu orðnir leiðir á þessu ferðaröfli og því ætla ég ekki að minnast á að ég sé að fara til útlanda í svona allaveganna 3 daga hér á blogginu. Neibb frá og með þessum punkti. þá ætla ég ekkert að tala um Metallica ferðina til Danmerkur eða bjórbaðið sem við ætlum í hjá Calsberg verksmiðjunni eða pylsuátið á strikinu, tívolíið á bakken eða...suss Flabbz, ekki eitt orð enn um den danske tivoli...sooo you like stuff...helgin...já helgin, ég get talað um hana, helgin var ljúf. Stórt online international cyber fyllerí var á föstudag þar sem danir, frakkar og íslendingar sáttu allir saman fugglir og ræddu heimsmálin. Laugardagurinn fór í bæjarrölt með ace og svo bjórþamb um kvöldið ásamt frakklandi og danmörku. Sunnudagurinn: pottz, börger og bíó...

Já annað sem ég get rætt um, Rósa og kall eru að fara að hlekkja sig saman 5.júní, verðum við ekki að fara að setja nefnd í pakkaleiðangur..."PANTEKKI!!"..

Júróvísjón lagið - Í hvaða sæti verðum við?

Nú þegar allir ættu að vera búnir að heyra lagið okkar, hvar haldið þið að við lendum? flabbóinn spáir 12.sæti.

En hvað með ykkur?

Jeremías Júlíus Jósafatsson, það er að fara að koma að Júróvísjón!!

Áræðinlegar heimildir létu moa vita í gær að það séu ekki nema 9 dagar í júróvísjón og það er ekkert farið að plana neitt júródjamm. Þetta má teljast sem mín mistök, ég hef verið sofandi á verðinum hvað varðar grúppdjömm planning, verið eiginlega blindur af danmerkurtilhlökkun en nú mun ég taka mig til í andlitinu. Reyndar er grúppan í dag aðallega flabbóinn, ace, gurla og gonzo og tino, restin er bara útlendingapakk sem ekkert gaman er að og því kannski ekki verið neitt mikið um grúppdjamm planning. Ég veit fyrir víst að ég og ace munum stinga saman nefjum þetta ágæta júróvisjónkvöld, þann 15.maí, þannig að ef það eru einhverjir sem lesa þetta bull og eru í Rvk þennan dag og vilja djamma, bloggið, bjallið eða morsið og látið mann vita, alltaf gaman að reyna að mynda einhvern góðan fíling í kringum þennan dag. Annars verður þetta bara ég og ace, dóminós pizza, netabolir, bjór og gítar fyrir framan tívíið...sem klikkar sjaldnast. Látið mann nú vita hver plönin eru, nær og fjær, kannski verður þetta svona online broadcasting djamm, frakkland-ísland, danmörk-ísland, holland-ísland..

Allaveganna, farinn að plana...

Sætur er svitinn af Satan!

Í gær eins og svo oft áður þá var ég ógeðslega duglegur að borða hollan mat...allaveganna framan af. Beyglu með léttsmurosti í morgunmat, epli í 10 kaffi, fisk í hádeginu, banana kl 3 og svo skyr eftir 1.5 tíma æfingu um kvöldið Nema hvað, þetta gerist alltaf, klukkan rúmlega 21:00, og maginn farinn að ööööskra á mat aftur, hvað á maður að gera, jú maður fær sér vatnsglas, 1 líter af vatni does the trick. 20 mín seinna þá er maginn búinn að fatta þessa blekkingu og byrjar að berja bongó trommurnar á ný. Hvað á maður að gera, jú maður getur sýnt aga og fengið sér meira vatn en heldurðu að maður hafi bara ekki fallið í freystni og fengið sér satan borgara (beikon borgari) og franskar klukkan 22:30 í gær á Éttu Skíttu, ekki í lagi sko. Maður búinn að ætla sér að ná af sér nokkrum lögum af beikoni af hliðunum en maður bara fellur í freystni just like dat. Það er erfitt að lifa í veröld þar sem matur er á hverju strái og eiga sísvanga vini, já það krefst sko mikils aga, aga sem múa höndlar greinilega ekki. Reyndar kenni ég eiginlega ace og gullz fyrir þetta og ef kransæðarnar springa á eftir þá vitið þið hverjir eiga sökina. En baráttan heldur áfram og er maður aðeins búinn að slafra í sig hrökkbrauði og vatni í morgun, svona sem refsingu fyrir gærdaginn.

Í gærkvöldi gerðist líka alveg merkilegur hlutur, í fyrsta skipti í svona ár þá voru flestir z-klúbbzmeðlimir online og var allsherjar chatorgía í gangi í svona góðar 20 mínútur, þetta er greinilega merki þess að C-dagurinn er í nánd og fólk spennt...kiddós þetta var brill í gær.

Jæja farinn að þjóra vatn...

Það var mánudagur í gær

Já krakkar það var sko mánudagur í gær, mánudagur með stóru d-i en ég er búinn að endurskýra þennan dag, héðan í frá heitir hann Biðdagur, Biðraðadagur eða bara á ensku lineday. Ég held ég hafi eytt u.þ.b. 2 tímum í gær í biðröð, já það besta er að 2/3 af þessum tíma þá var ég í RANGRI biðröð, fílaði mig eins gaurinn í myndinni "There´s a lot of stupid people in this stupid world"...já ég veit það er ekki til nein mynd með þessum titli, en mér finnst að hún ætti að vera til, því hún myndi þá greinilega fjalla um einstakling sem fer frá vinnu bara til þess eins að skipta um dekk, en endar með að bíða í röð á 4 mismunandi stöðum í samanlagt 140 mínútur og kemur frá þessari ferð sem ráðvilltari og ruglaðri einstaklingur...

Helgin er þó eitthvað sem reddar manni þessa daganna, tær snilld, utan við það að tölvan mín varð veik heima þá rann þessi helgi vel niður. Ég var LATUR á föstudag, fullur á laugardag og svo latur á sunnudag, bjór, sjónvarpsefni og góðir vinir einkenndu þessa brilliant helgi. Fór á Nelly´s sem var ekki eins slæmt og ég bjóst við, ódýr bjór og fín tónlist redduðu málunum. Ace, Gunnz, Tino og Eva u all rock!!

Svo svona í lokin þá bið ég alla Z-klúbbsmeðlimi að reportera inn, það eru jú ekki nema rúmar 2 vikur í yfirtöku okkar á köben...