Fimmtudagur Fimmtudaaagur Fimmtudaguuuuuur....

Jæja alle sammen, helgin að koooooma og fiðringurinn færist niður í magann, what to do what to do what to do um þessa helgi. Ég hetjan er að spá í að skella mér upp á svona eins og eitt fjall á laugardaginn, auðvitað eftir að hafa fengið mér smá grill og með því á föstudaginn, svo held ég að fyllibyttuklúbburinn sé með gettogether á laugardaginn, þannig að það getur barast ræst úr þessari helgi. Einhver plön hjá öðru íslandspakki? Ef ekki þá væri jafnvel kúl að halda pylsupartí á greninu eða eitthvað á laugardaginn, hmmm þarf að hugsa aðeins um það...mundu einhverjir mæta? Nei jóntz ég borga ekki fyrir flugið.

Jæja ég mumbla meir seinna, sinafyllt gúllas í saursósu bíður mín nú...chiao!

Kaupmannahafnarferð undirbúinn

Nú þegar það eru 23 dagar í brottför leiðangursmanna Z-klúbbzmanna frá Íslandsbækistöð austur til Danaveldis þá hefur undirbúningur verið settur á fullt. Undirbúningurinn mun standa fram til 19.maí en þann 20.maí fá liðsmenn dag til að sinna sér og sýnum nánustu áður en austur er haldið. Undirbúningurinn samanstendur af mikilli líkamlegri þjálfun sem og andlegum undirbúningi ásamt lærdómi á kortum og menningu. Sem stendur gengur líkamlega þjálfunin mjög vel, lifrin búin að ná fullri getu í eiturefnaeyðingu, vélindað ræður vel við froðu sem og maginn er orðinn vel teygður, prófanir á meltingu maga á dönskum pylsum á eftir að fara fram en erfitt hefur reynst að nálgast hráefni fyrir prófunina. Sálfræðingar klúbbzins hafa verið í óða önn að þróa meðferðir til að auka mótstöðu sálarinnar gegn dönskunni, en sagan segir að danskan hafi verið notuð hér áður fyrr á dögum Sven Storeborerer í að heilaþvo erlenda heri og jafnvel ráða þá af dögum og því veitir okkur ekkert af sem sterkustu mótefni gegn þessari svokölluðu Larseneitrun ef verkefni okkar á að takast.
Meðlimir Z-klúbbzins frá bækistöðum víðsvegar austanhafs munu hitta okkur stundvíslega kl 2100 að dönskum staðartíma á the place (*wink* *wink*). Hópar frá bæði frönsku og hollensku bækistöðunum hafa morsað okkur og látið reglulega vita af þróun mála þarna austanhafs og hafa þeir framsent skilaboð útsendara okkar í höfuðstað danaveldis eftir að hafa verið kóduðdíkóduð af sérfræðingum í danskri þvælu og mysu. Skilaboðin hafa flest bent til þess að danir gruna ekki hvað muni gerast þann 21.maí, og er það okkur öllum í hag.
Ég (ústendari flabbo flaboiant) ásamt agent ace McCcgregor og nýliðanum gunzí lufrensí bíðum spennt að sjá reykmerki í austri þess efnis að the cost is clear og nóg sé af Calsberg á áfangastað og munum við þá met dí samme svífa undir ratsjá dana og mít everívon at the randevú point for the operation CalsbergClearUp.

...to be continued...

SAUMARNIR HORFNIR!

Loksins að maður er laus við nælon þræðina í kollinum, en þeir voru fjarlægðir nú fyrir 30 minútum síðan, fór uppeftir, beið í 10 mín, las nokkur Séð og Heyrt blöð á meðan, svo var kallað.."Flabbo, Flabbo gjössovel..".."já mættur, héddna" sagði minn og í sömu andrá leit ég upp. Var ekki þarna bara þessi föngulega hjúkka að fara að þræða úr mér plastið, úff hvað ég var sáttur. Hún snerti öxlina mína, "gjössovel" sagði hún og brosti svo blítt. Við fórum inn. Allt í einu fór ég að heyra svona bawhá sctjíggíschtjíggí bawhá tónlist innan með mér, hvað ætli munu gerast hér inni, nei rólegur manni, ekkert svona hér. Ég tók jakkann af mér, hún benti á legubekkinn, "viltu ekki bara leggjast niður og láta fara vel um þig"...hjartslátturinn jókst.."jú er það ekki vaninn héddna að bara leggjast niður" sagði ég með svona litlu hagaskólaglotti...hún brosti..yesss...ég lagðist niður. "Nei vá hvað þetta eru mörg spor, hvað gerðist eiginlega..".."hmmpphh...eehh... ég lenti í bílslysi og skall rúðu.." Ok það er kannski ekki alveg satt en hvað á maður að segja þegar maður liggur á bekk og gyðja í hjúkkubúning stendur bogin yfir þér og gælir við hausinn..."ja sko ég kom heim hífaður og skallaði skápinn heima"..naaah virkar ekki alveg..en allaveganna... Hún byrjaði að plokka.."Er þetta nokkuð vont?".."nei nei, ertu byrjuð?" sagði ég eins karlmannlega og mögulegt var.."já fyrir löngu, þú ert aldeilis hraustur" yesssss hún sagði ég væri hraustur, I´m a man, a manly man, a manly manly uber manly man. "Hva maður hefur fengið annað eins sár"...ekki alveg satt, en whooo cares...hún brosti aftur...yessss. Allt í einu var hún búin, "gjössovel" sagði hún, oooh hvað það var fúllt að þetta var búið, ekkert meira action og ég sem bjóst við...ja nei förum ekki út í það hér...ég tók í hönd hennar, sagði eitthvað bull og kvaddi.

Bawhásctjíggíschtjíggíbawhá...

Gleðilegt sumar Everybody! Muna svo að þetta sumar sem önnur sumur verða full af gleði, ást og hamingju. Vegna skorts af karlmönnum í karlaklúbbinn hefur nefndin ákveðið að það verði hugsanlegt að kvenfólki verði heimilt að koma með í tjaldferðir klúbbsins, áhugasamir vinsamlegast skrái sig sem fyrst.

Erekkiallirístuði?

Sumarblogg í sarpinn!
Sólargeislar morgunsins teygðu sig inn í gegnum gluggann á kvistinum, kítlaði nef flabbósins, gældi ljúflega við eyrað og sagði "Það er komið sumar". Flabbóinn teygði úr sér, nuddaði augun og opnaði þau svo varlega. Letilegt glott færðist yfir andlit hans, "mmm the things to do today.." hugsaði hann með sér þegar hann sá hversu yndislegt veðrið var með tilheyrandi býflugnasuði og fuglatísti. Hann reis upp úr rekkjunni, smjattaði og skimaði eftir fatahrúgu gærdagsins. Eftir að hafa elt nokkra villta sokka undir rúmmið staulaðist hann fram og leitað eftir einhverju sjálfdauðu til að jappla á. Fuglarnir tístuðu frá öspinni fyrir utan gluggann í léttum rythma við ljúfu nóturnar sem bárust frá útvarpinu, kötturinn sveiflaði skottinu eins og taktmælir, flabbóinn sló létt á lærið til að fullkomna þessa tónlistarfegurð, dillaði hausnum, tærnar farnar að iða...já þetta var sko stuffið. Á léttan hátt spratt hann upp í takt við klæmaxið í laginu, dúndraði hausnum í örbylgjuhylluna, datt af stólnum, lenti ofaná kettinum, sem í ótta sínum beitti öllum sínum kröftum til að komast undan, með kjafti og klóm spólaði hann sig lausan. Með stingandi verki í bæði kolli og baki, reis hann upp, rétti við stólinn, teygði sig í útvarpið, slökkti, bograði svo yfir disknum...djöfulsins sumar...

Jæja, nú er sumardagurinn fyrsti kominn, og aldrei þessu vant er hann nokkuð traustur, sól, 12 stiga hiti og lítill vindur. Ég vill óska öllum gleðilegs sumars og læt hér fylgja link að sumarlagi baggalúts.

Úff mar, ég veit ekki hvað það er en sumir einstaklingar fara svo innilega í taugarnar á mér að ég fæ útbrot. Þegar þessir einstaklingar hringja þá oftar en ekki "heyri ég ekki" í símanum, eða var óvart lagður af stað inn á kaffistofu og gat ekki snúið við eða var í símanum og þegar ég þarf að hitta þá þá svíður manni í skinnið, þörfin fyrir að taka væna U beygju nær tökum á manni, fæturnir þyngjast, munnurinn þornar og manni langar helst að negla fæturnar við gólfið þar sem maður stendur. En svo gerist það að maður þarf að hitta þessar manneskjur, augliti til auglitis og maður finnur hvernig augun þorna upp aðeins við það bera þau augum, nefið stíflast við fnykinn af þeim og það dregur fyrir sólinni í sálinni. Dagurinn í dag hefur einmitt verið yfirfullur af svona liði..., pakki sem mér virðist hafa þann eina tilgang að gera líf mitt og nokkurra annnarra leiðinlegt...urrr


Jæja, dælið nú smá sól í sarpinn minn...

Jæja börnin góð, nú er helgin liðin og ber líkaminn þess merki um að hún hafi verið góð. Var farið í vinnudjamm á laugardaginn í kúrekabúning, með hatt, yfirvaraskegg og alles. Djammið hófst með bykkjureið um hafnarfjarðarsveit og eftir að hafa eytt klukkutíma á bykkjubaki varð ég staðfastari á minni skoðun að bykkjubak sé með því leiðinlegra sem ég get eytt tíma mínum í. Sitjandi á 350 kg kjötfjalli, sem vill helst bara vera í rassgatinu á næstu truntu og í hvert skipti sem hraðinn jókst og hossingurinn varð meiri þá fór allur manns kraftur í að passa sig á að lenda ekki á föðursekknum...sem sé niðurstaða, horses not my thing. Jæja svo eftir bykkjubakið og eftir að hafa fengið dofinn rass að þá var farið í línudans, nú þar sem svo margir sem ég vinn með eru skræfur að þá varð ég auðvitað ásamt dalton genginu mínu að vera fremst og sýna þessum bæjarbusum hvernig sannir kúreka dansa. Eftir það var svo farið í ansarlegasta skeifukast allra tíma, minn lenti í 3 sæti. Síðan var kvöldinu eytt í gúff og bjór og endaði svo á Players í dt kóparvogi, brill staður, brill stemmning og allir sáttir. Svo var bara farið heim, skallað skápinn, upp á slysó og 15 spor í kollinn...sem sé overall brill helgi.

Andleysa er orð dagsins, ég sit hér og er gjörsamlega andlaus, eiginlega með barasta talsverðar áhyggjur af þessu, get yfirleitt bullað talsvert svona dagsdaglega, en núna er bara heilinn alveg freðinn. Hvað hefur eiginlega orðið um mína endalausu snilligáfu til að bulla, er möguleiki á að heilinn hafi bara núllstillt sig í nótt án þess að láta mig vita af því, væri nú alveg týpískt. Reyndar var ég með svefnherbergisgluggan talvert mikið opinn í nótt og það gustaði hressilega, kannski það hafi verið nóg til þess að andinn hafi yfirgefið mig, hmmm það er held ég verkefni fyrir sálgreiningarfélagið eða hvað það nú heitir sem að hann músavinafélagsstjórnandi stýrir eða stýrði.....alveg rétt nú man ég, Maggi Skarp, best að bjalla í hann á eftir. Annars þá bara segi ég allt gott...já..hmm...búið.

Vissu þið að apríl er ekkert smá flottur mánuður, núverandi apríl nær ekki nema 1 heilli vinnuviku, allar hinar vikurnar eru annaðhvort mengaðar af mars eða páska-sumar stuffi. Alveg brill.

Jæja nú er maður búinn að stökkva út í djúpu laugina sko, ég og ace gerðum með okkur pact að stórminnka við okkur allt sukk fram að Metallica í maí, sem á eftir að verða erfitt. Í þessu pacti segir að við verðum að halda okkur frá sælgæti og megum bara 1 sinni í viku fá unhealthy gúff. Vigtun fer fram í sundlaug vesturbæjar hvern sunnudag og er markmiðið að ná okkur niður úr sækúastærð niður í reallyreallyridiculuslygoodlookingstærð. Ég er nú þegar að vinna í svona pacti við eitt stykki málfræðihorn og mér sýnist ég vera að tapa því, þannig að það er best að reyna sjá til þess að ég rústi ace.

Um næstu helgi er svokölluð kúrekaferð fyrirtækisins, verður farið út á land alla leið suður í Hafnarfjörð og slegið upp búðum þar nærri einhverri bykkjuleigunni, verður fólk skyldað að fara á bykkjubak og svo eftirá línudans, yes good people Benji mun þurfa stíga létt spor í anda Kenny Rogers á laugardaginn, þannig að ég mun líklegast þurfa að gera undantekningu á ofangreindu pacti og hella mig blindfullan svo að það gerist í góðum anda. Allir karlmenn fyrirtækisins fengu póst í gær um að þeir ættu að íhuga að safna smá skeggi svona til að fá Clint Estwood fílinginn fram, en eflaust átta þeir sig ekki á því að um 80% karlmanna hér innandyra þyrftu svona tjaaaa u.þ.b. 3 vikur bara til að það sjáist að það sé ekki bara kusk í andlitinu á þeim. Svo er það besta, það er ætlast til að maður mæti í kúrekabúning, ég spyr mig, hveru margir eiga eitthvað kúrekadót, jú jú ég á kúreka dót, en það passaði á mig þegar ég var 5 ára og hljóp um nakinn með kúrekahatt og vatnsbyssur og skaut allt sem á vegi mínum var, ekki viss um að ég geti notað það í dag...það verður skrautlegt að sjá hverjir mæta í búning, ég ætla ekki að mæta í búning, en hafa svona samt hatt og mustage on the side svo ég geti sagst vera ríkur Texasbúi ef á reynir.

Allaveganna, farinn að snara nokkrar bykkjur...

By ðe vei, haldið ekki að mumblerinn sé ekki kominn með yfir 1000 heimsóknir, já ég veit að ég á um 900 þeirra og amma 70, en hey, still yfir 1000 baby..jeeeee!!! Splæsi bjór á alla þá sem vilja hitta mig á Strikinu mánudaginn 24.maí í tilefni þessa jeeee...

Páskahelgin 2004...

Jæja nú er páskahelgin liðin og ég er ekki frá því að hafa bætt á mig svona eins og 15 kg eða svo, ég finn hvernig smjörið flæðir um æðarnar og hvernig heilasellurnar eru að berjast við að halda sér á floti í bjórhafinu eftir helgina. Ég er nokkuð viss um að það hafi líka verið sett heimsmet um helgina, en ég og Ace náðum líklegast að sameina ofát, alkóhólisma og leti all in one package og aðeins með hjálp fullkomnra tölva og tækja mátti greina veikan púls koma frá okkar feitu hjörtum löðrandi í beikonfitu og majónesdrullu. Ég finn líka hvernig hryggjarliðirnir hafa gróið saman, hnéin og olnbogar stífir og rassinn flatur, eini útlimurinn sem virkar sem skyldi er vinstri þumalfingur, en hann fékk nægja æfingu við að þrýsta á þunga hnappa fjarstýringunnar. Já þetta var sko sannarlega yndislega helgi, en ég verð að segja að ég er eiginlega svolítið ánægður að henni sé lokið þar sem að ég held að þetta hafi getað verið soldið unhealthy livin og ég fann hvernig hjartað tók gleðikipp í morgun þegar ákvað að setja gúrkur á brauðið mitt í stað mermelaðis og sultu.

Ég vona að ykkar helgi hafi verið jafn ljúf og mín og for what it´s worth þá segi ég svona eftirá Gleðilega Páska til þeirra sem ég var ekki búin segja það við.

Segið mér svo núna eitthvað sniðugt...

Með buxurnar á hælunum!

Það er alltaf "gaman" þegar eitthvað svona vandræðalegt gerist, þá sérstaklega þegar það gerist fyrir einhvern annan en sjálfan mann. En í dag lenti ég einmitt í því að hafa vaknað hálf slæmur í maganum...allt í góðu það gerist stundum, ég fór nú auðvitað í vinnuna og mér til mikillar lukku mætir nánast enginn til vinnu jafn snemma á skrifstofuna og ég, þar af leiðandi hugsaði ég gott til glóðarinnar að fá mér nú veglega að Sk... Nú ég fer nú fyrst og tek jakkann af og næ mér í nýjasta tölvutímaritið sem ég var einmitt ekki búinn að glugga í, fer inn á baðherbergi (sem by the way er akkúrat á leiðinni inn í kaffistofu) og læsi að mér, kem mér vel fyrir og allt í góðu...nema hvað þar sem ég sit þarna, í miðjum klíðum að þá sé ég hvar aðeins 1 afrifa er eftir af klósettpappírnum. Ég teygi mig upp í skápana og sé að þar er ekkert heldur, lít í handþurkuboxið..ekkert þar. Hvað var nú til bragðs. Jú jú kvennasnyrtingin er næsta dyr við karlasalernið og því þar sem svo fáir voru mættir að þá var vænlegasta hugmyndin að drífa sig þar yfir og klára þetta verkefni. Ég loka því blaðinu, sturta niður því sem lokið var, girði buxurnar upp yfir hné og opna svo varlega...enginn á vappi og því bara að drífa sig. Ég stekk fram eins og köttur, nema hvað að ég er í frekar síðum gallabuxum sem flækjast fyrir þannig að ég flýg á hausinn og í þann mund sem að e´g er að ná stjórn á útlimunum með brækurnar á hælunum, þá heyri ég hvað það er einhver að byrja að koma upp stigann. Með herkjum næ ég að skríða inn á kvennasalernið og loka að mér, kófsveittur og eldrauður, með allt niður um mig. Þeir sem komu upp heyrði ég vera að tala um einhvern hávaða sem hafði heyrst hafði þannig að ég hætti að anda...beið alveg kyrr, í von um að þeir færu framhjá sem fyrst...sem þeir svo betur fer gerðu. Til allrar lukku þá var nægur pappír á þessu salerni og gat ég því haldið áfram frá því sem var horfið og steig frá salerninu betri og léttari maður...

Þetta var mín saga..hver er þín..

Réttarkerfið á Íslandi...brandari!

Í minni reglubundinni yfirferð á www.mbl.is þá datt ég niður á 2 fréttir um dómsmál, annað líkamsáras manns á sambýliskonu sína og svo sjómaður sem landaði "fram hjá vigt".
Fyrri frétti segir orðrétt: "Karlmaður á fimmtugsaldri var í Héraðsdómi Reykjavíkur í dag dæmdur í 18 mánaða fangelsi og til að greiða fyrrverandi kærustu sinni 300.000 krónur í miskabætur fyrir að hafa stungið hana með hnífi í brjósthol á aðfangadagskvöld 2002. Í dómnum er greint frá áliti læknis sem segir að áverkinn hefði getað verið banvænn. "
Seinni fréttin segir orðrétt: "Karlmaður á fimmtugsaldri hefur verið dæmdur til að greiða 800 þúsund krónur í sekt til ríkissjóðs fyrir að hafa í júní 2002 landað 7.500 kg af þorski fram hjá vigt á Árskógssandi og fyrir brot á lögum um lögskráningu sjómanna með því að hafa ekki lögskráð tvo menn úr skiprúmi og síðan konu í skiprúm."

Hvaða grín er þetta, kona lætur nærri því lífið og sá sakborni þarf að greiða 300k í skaðabætur og sitja inni í 1.5 ár...óó ekki má gleyma því að hann fær eflaust eitthvað skilorðsbundið vegna fjárskorts fangelsa og svo auðvitað helgarfrí og heimsóknir og jólafrí og páskafrí, þannig að hann situr kannski inni í fríu fæði og húsnæði í 9 mánuði. Aftur á móti stórglæpamaðurinn sem vogaði sér að landa þorksi fram hjá vigt þarf að punga út 800k, nærri því 3falt meira en einstaklingur sem nærri drepur sambýliskonu sína. Ég næ þessu ekki, það má segja af þessu að tonnið af þorski sé næstum því verðmeira en líf einstaklingsins..."en en hann fékk fangelsisdóm líka" segja eflaust sumir, vááá 1.5 ár...það er EKKERT, hvað er það að sitja í steininum í nokkra mánuði fyrir eins stóran glæp og að reyna að taka líf einstaklings...svona fréttir um réttlætið á þessu blessaða skeri okkar gerir mann urrandi illann.

Farinn að plana helgina...