I did it again...
Þreyttur og pirraður eftir leiðinlegan vinnudag þá var ljúft að renna í hlaðið hjðá gymminu vitandi það að nú yrði sko tekið á því og náð þessum pirringi út. Heilsaði dömunum í afgreiðslunni með nettu "how you doin" og brosi. Rölti svo inn í búningsherbergi og fór að græja mig, svitaband..legghlífar, naflabolur...eða kannski ekki...allaveganna þá skellti ég mér í mitt gym outfit...derhúfan svo á og eitthvað í eyrað til að hlusta á...perfect. Þegar ég var svo við að labba út úr búningsherberginu þá fann ég fyrir því að jú ég þyrfti helst að létta á mér, nett U -beygja tekin og brunað að baðherberginu. "Hmm skrítið lokað inn á bað.." hugsaði ég í sömu andrá og ég opnaði hurðina. Nú baðherbergið í karlaklefanum í þessu ágæta gymmi samanstendur af pissuskál og svo klósett sem er svona semi skermt af. Allaveganna ég skelli mér að pissuskálinni og stilli mér upp til að hefja losun. Starandi á vegginn og hugsandi um hversu rosalega ég ætla að rústa stigvélinni og lyfta rosalega í bekk þá fór ég að heyra óskemmtilegt hljóð..svona eins og ég væri ekki að hitta ofaní skálina. Ég lít niður og sér það mér til mikillar skelfingar að einhver snillingur hefur náð að brjóta neðri hluta skálarinnar þannig að allt sem fór ofaní hana fór beinustu leið á vegginn og þar niður á gólfið, sem by the way var einn hafsjór af pissi og klósettpappír (greinilega að einhver hafi verið að reyna að bjarga málunum með eins og 4 rúllum af klósettpappír). Ég tók svona nett "iiiiijjjjjúúú" kast og hætti að pissa og bakkaði frá skálinni, rann svo til í hlandbleytunni, hrasaði um klósettpappír og datt aftur fyrir mig, bar hendurnar fyrir mig og fann hvernig þær splössuðust ofaní hlandsjóinn, tilhugsunin að ég væri covered í hlandi á höndunum úr svona 15 karlmönnunum fékk mig til að kippa höndunum að mér og því án þess að hafa hugsað þetta lengra sat ég nú þarna í miðjum hlandsjónum. Þegar ég loksins komst svo aftur á fætur eftir mikið basl, þá var má segja meiri hlutinn af mér covered í vafasömu vatni, fötin öll blaut og ég eldrauður í framan, meira að segja derhúfan slapp ekki. Ég opnaði hurðina varlega fram í búningsherbergið og mér til mikillar ánægju var enginn þar inni svo ég vippaði mér snöggt að snaganum mínum. Sjaldan hefur ein manneskja verið jafn fljót að koma sér inn í sturtu í öllum fötunum og ég þennan dag. Með aðstoð 5 L af sápu 1000 L af vatni og þrem gufum þá náði ég að ég held að sótthreinsa mig from top to bottom. Ég fór ekki í þetta gym í 1 mánuð eftir þetta...

En allaveganna hafið góða helgi gott fólk og munið að horfa niður áður en þið látið gossa.

Hvað ætlar þú að verða þegar þú verður stór?
Þessa spurningu hefur margur maðurinn spurt sjálfan sig oftar en einu sinni og oftar en tvisvar í gegnum árin og held ég að margir hafi ekki hugmynd um hvað þeir vilja verða þegar þeir eru orðnir "stórir". Ég veit persónulega að ég hef spurt sjálfan mig að þessu líklegst svona 800 sinnum bara á þessu ári...hvað ætla ég að verða þegar ég er orðinn stór??..og ég hef ekki komist að neinni niðurstöðu ennþá. Sumir virðast fæðast með ákvörðunargetugenið og um leið og þeir geta talað þá eru þeir búnir að plana alla sína ævi, 16 ára menntó, 20 ára háskólinn, 24 ára meistaranám, 25 ára fyrsta barn, 26 ára gifting, 27 ára aðstoðarmanna staða hjá sörígörí, 29 ára stjórnunarstaða hjá sörígörí og annað barn, 33 ára stjórnunarstaða hjá eignarfyrirtæki sörígörí, 40 ára stjórnarformaður/stýra, einbýlishús á Arnarnesinu, bústað í Grímsnesinu, 50 ára kominn á eftirlaun með viðhald í miðbænum og porsche...und so weiter. Þó sumir virðast fæðast með þennan hæfileika þá held ég að langflestir séu úr hinni grúppunni, sem sé ekki vitandi hvort þeir eigi að fá sér vanillu eða súkkulaði ís í dag eða á morgun með ásgeiri eða gunna fyrir eða eftir hádegi og með eða án dýfu. Mun maður einhverntímann fá þessari spurningu svarað, mun maður geta fest sig á eitthvað eitt og geta sagt, ég vill verða góður í sörígörí og ætla mér að vinna við það for the rest of my days, yrðu dagar manns eitthvað betri ef maður gæti svarað þessu eða myndi maður bara staðna og hætta að spá og spekúlera í aðra hluti? Svar óskast..

Tæknilegir örðuleikar..
Vegna tæknilegra örðuleika síðustu vikna þá var lítið póstað á flabbónum, flabbóinn ákvað að sinna sínum málum örlítið, verslaði sér íbúð, fór í frostferð upp í bústað, hitti vini yfir jólin, fagnaði áramótum og jólum og svo dembdi hann sér í talningar og vinnu strax eftir áramóttin. Sem sé flabbóinn er bara búinn að vera virkilega önnum kafinn og afsakar hann það hér með. En hvað er annars í fréttum? Jú eins og fyrr kom fram þá er maður að leggja lokahönd á íbúðarkaup og þar með skuldsetja sig út fyrir öll veraldleg mörk eins og er í tísku í dag. Vinnan hefur tekið mikið af manns tíma eins og talningar og annað bögg sem tilheyrir áramótunum og loks núna er þetta allt svona aðeins að róast. Þar af leiðandi mun maður vonandi geta böggað ykkur hér fljótlega...

Farinn að pakka...