GLEEEEÐILEGA PÁSKA OG SUMAR OG BARA ALLES...
Það er komið sumar og páskarnir liðnir og fuglarnir farnir að syngja og veðrið orðið fínt og.....og svo mætti ég til vinnu...og þá þögnuðu fuglarnir og það varð kalt aftur...nei segi svona..eða kannski varð þetta smá svona, það er eitthvað með það að koma til vinnu aftur vitandi það að þessi vika verður erfið að maður verður barasta þreyttur við tilhugsunina. En jákvæða er að þetta verður stutt vika og því bara 4 dagar í tóma hamingju. Það var sett heimsmet um páska helgina, sjaldan hafa tveir einstaklingar látið blóðið í æðum sínum renna jafn hægt og hjá okkur Tinz, en við settum einnig fjöldan allan af íslandsmetum í sófalegu, sykuráti og general mygli..sem var nokkuð notarlegt en kannski öööörlítið of einhæft.

Markmið vikunnar, finna heiðarlegan pípara, klippa á mér táneglurnar og að komast skrefi nær í að flytja í íbúðina mína....pís át

Afhverju afhverju afhverju...
Afhverju keyrir fólk bæjarendana á milli eða tekur 4 strætóa og leigubíl til þess eins að koma með tóman kassa af matvöru sem hún by the way er búin að klára og kostaði 150 kr út úr búð en hugsanlega smakkaðist örlítið öðruvísi en vanalega...afhverju að leggjast svo lágt að fara upp í þá heildverslun og virkilega að heimta það að fá eitthvað í staðinn..why why...ég hef orð fyrir svona fólk...BLÓÓÓÐSUGUR...þetta er þetta pakk sem mætir á allar fríar samkomur, borða allt á smakkbökkunum í bónus, taka lúkufylli af öllu sem er frítt bara af því að það má það og heimta meir og meir og meir. Ég myndi skilja ef þetta væri nýr bíll sem kostaði milljónir og það vantaði afturrúðuna..auðvitað..koma og skila og fá nýtt, eða tölvan sem vill ekki fara í gang..skil það mætavel líka...en ekki að keyra 15 km úr breiðholtskjallarakompunni þinni og eyða tíma 2 starfsmanna hjá heildverslun til þess eins að fá rétti þínum fullnægt vegna hugsanlegra galla í 150 kr vöru sem mjög líklega er vegna þess eins að manneskjan er of heimsk til þess að elda hana in the first place rétt. Um leið og svona manneskja kemur hingað inn, með tóman pizzakassa og sósuslefið út á miðja kinn, þá hugsa ég...þetta er blóðsuga og langar virkilega að röfla við þetta pakk, en þar sem blessunarlega ég er ekki í pr deildinni þá fæ ég það aldrei. Ef eitthvað ykkar gerir þetta að staðaldri þá virkilega mæli ég með að þið hættið þessu strax og náið mannsporinu í lag aftur....

Grömpí át...

Að vera bitur og fúl...eða alls ekki...
Sumt fólk þegar það vaknar, vaknar það fullt af tilhlökkun fyrir þeim verkefnum sem bíða þeirra, aðrir eins og ég vakna á hlutlausu svæði sem getur oltið yfir í fúlaskúla eða happyhappy joy joy án mikillar fyrirhafnar, en enn aðrir vakna fúlir og bitrir og ættu með réttu bara að vera heima hjá sér eða labba fram af næsta bjargi. Það eru nokkrir aðilar í minni vinnu sem að ég held hlakki bókstaflega til að mæta fúl og leiðinleg til vinnu því það er það eina ástand sem ég hef séð þau mæta í. Urrandi og glefsandi mæta þau hokin til vinnu og virkilega reyna að setja út á sem flesta hluti hjá sem flestum á sem skemstum tíma. "Afhverju er þessi heftari hér? Hver raðaði blöðunum í öfugri númeraröð? Afhverju stendur þú þarna? Hver málaði þennan vegg? Var ég ekki búin að segja að ég vill fá póstinn fyrir fyrsta kaffibolla en á eftir að ég er búin að hella í hann.." svona og fleiri bögg komment flæða yfir gesti og gangandi sem verða á vegi þessara einstaklinga og er maður oft virkilega hissa á að ekki sé búið að verða fleiri "slys" hér innandyra en raun ber vitni.

Svo reyndar hinn póllinn á þessu öllu, einstaklingar sem vakna með spíttið í kjaftinum og halda að þeir séu virkilega ofur kammó fólk, hoppandi upp að manni með "TIGGABÚÚÚÚ" , potandi með fingri fast í öxlina, talandi hátt í kringum mann og skiptandi sér að öllum samtölum með leiðinda .5 aura kommentum og innsogshlátri...svona fólk mætti alveg sleppa því að mæta stundum líka, eiginlega held ég að það ætti að giftast hina fúlaskúla pakkinu og út hlýtur að koma eitthvað svona mitt á milli ástand...eða hvað...reyndar gerir - og - + þannig samkvæmt venjulegri stærðfræði ætti þetta að ganga, kannski verður nýja missjónið mitt í lífinu að testa þetta og rannsaka nánar, nóg er af pakki til að velja hérna sem rannsóknarefni..

Jæja nóg af bulli í bili, en hver sagði þetta
"A big man is ripping your ears off Percy. I'd do as he says..."

Sumarið er komið...
Nú held ég að sumarið sé barasta komið, 9 stiga hiti, vægur vindur, fólk farið að klæðast léttari fötum...þetta er tær snilld, hver segir svo að global warming sé slæmur hlutur. Eftir nokkur ár þá munum við vera á stuttbuxum að ganga í kringum jólatréið. Hugsið ykkur hvað það verður nice....

Páskarnir á næsta róli, dagurinn í dag nánast á enda og svo bara 2 dagar og frí bara búmm bara bímm, get ekki beðið. Þið megið giska hvað maður mun gera yfir páskana, jú jú..akkúrat sko, íbúðin..urr langar að fara að flytja inn, kannski maður geri það bara og noti bara salerni nágrannans til að byrja með..hmm...spurning. En það verður samt grillað og fengið sér öl yfir páskana, notið lífsins í sumarblíðunni í faðmi ykkar allra...

Jæja nóg bull í bili, þarf að "vinna"...

Froooosen feelings...
Hvað er með þetta ******** veður, einn daginn sunshine lollypops, næsta dag frostrok dauðans og það skiptir engu máli hversu mörgum lögum þú pakkar þér inn í, alltaf er jafn kalt..urr. Ég er nú þegar búinn að slá persónulegt met í kaffidrykkju, 13 bollar af svörtu kaffi fyrir hádegismat thank you very much og ég get búist við því að vera andvaka fram á mitt sumar þar af leiðandi. Einu heitu drykkirnir sem standa til boða hérna er te (grænt, mintu, þistilhjörtu eða eitthvað...hreinn viðbjóður), súkkulaði (sætasta súkkulaði í heiminum....klíja dauuuðans) og svo kaffi og þar sem ég er by definition of feitur ( var að fá mælinguna í hús) þá verð ég að láta duga kaffi...eða þá bara heitt vatn með sítrónu...og hvaða karlmaður með bringuhár lætur svoleiðis viðbjóð ofaní sig.

Helgin var nokkuð ljúf, idol teiti á föstudag heima hjá fúsa, laugardagurinn fór í flutninga fyrir félaga einn og svo barsmíðar í íbúðinni og endaði svo með ærlegri afslöppun heima fyrir með ísköldum bjór og nördaskap. Sunnudagurinn fór svo bara í svona typical sunnudagsleti.

Íbúðarupdate...dídídí dííí dííí...píparinn er að fara mæta á morgun (sem vonandi þýðir á morgun en ekki á morgun eftir 14 daga) og þá verður allt vatnsdót tekið úr sambandi inn á baði, svo vonandi ég nái að græja flísar um helgina..loksins loksins...þannig að fluttningar fyrir páska..jeee vonandi jee...kók á liðið þá jeee..

Og svona að lokum, í hvaða mynd var eftirfarandi sagt..

" Roger, Roger. What's our vector Victor? "

Farinn að þjóra kaffi...

Who´s your daddy and what does he do??...

Úr hvaða mynd er þetta, sá sem fattar það fyrst fær frítt kók í binnakofa við tækifæri...

Kallinn er búinn að vera latur með íbúðina, vantar pípara til að græja blöndunartækin og þessháttar, get ekki beðið eftir að þetta dót verði búið svo maður geti nú farið að flytja og fengið sér bjór og með því svona að alvöru. Ég og Ásgeir vorum duglegir síðustu helgi þegar við rifum alla veggi og flísar niður, vantar bara herslumuninn núna finnst mér og þá er þetta búið.

Síðustu misseri er kallinn búinn að vera í "fitun" þar sem átak 2 var að byrja hérna í vinnunni og ég vildi fá "góða" fyrstu mælingu svo ég hafi séns á að geta unnið. Kallinn búinn að bæta á sig 3-4 kg síðan um jólin og viti menn fólk alveg tekur ekkert smá eftir þessu, 70% af köllunum hérna í vinnunni eru of þungir einstaklingar, 10+ kg yfir þyngd og er tekið eftir því...er talað um það, nei alls ekki, heldur er bara gónt á Binna og kallað feitan..maður bara næstum því lagður í einelti, hvar er barnaverndaráð á svona dögum haa, mar bara á ekki orð suss segi ég nú bara. En nú sem sé fór kallinn loksins í mælingu í gær og þar setur maður núll punktinn, svo er að sjá hvað hann getur gert, hvort hann nái að skafa haug af fitu af sér eins og síðast...og jafnvel safna svona kjöti í leiðinni..

Hérna í vinnunni hefur verið mikið um flutninga á fólki og vinnustöðvum síðustu mánuðina, nýr skrifstofuhluti í nýja húsinu tekinn í notkun fyrir sölufólk, aðalandyri gert operational, bókhalds-og rekstradeild látin dreifa aðeins úr sér, svona rétt til að nýta rýmin og nú þegar allir eru komnir á sinn stað nema tæknitölvuskúringardeildin(sem by the way er búin að flytja sig svona 6 sinnum á síðustu mánuðum) þá er svona allur dampur dottinn úr þessu. Flestir komnir með fína vinnustöðvar og eftir situr bara svona einhver 40 ára gömul rekaviðsborð og kertaljós fram á gangi sem eiga að gagnast manni...þetta er farið að minna suddarlega á atriði úr Office Space (þeir þekkja til sem hafa séð hana) og hef ég verið að velta því fyrir mér hvort þetta eigi að vera eitthvað hint..hmm. Nú hef ég verið að stunda þögul mótmæli í nær 3 vikur útaf þessu og það bara gerist ekkert, enginn sýnir þessu máli mínu stuðning. Væri réttast nær að skrifa til DV og fá góða grein þar, kannski myndi eitthvað gerast fyrst þá...fyrirsögnin yrði "Misnotkun á vinnustað" .

Jæja en helgin er að nálgast og þá eiga allir að vera glaðir og hætta að kvarta og kveina eins og einhverjir gormar, bara loka þetta allt inn í sér og bara vonast til að axir verði á útsölu síðar á árinu...

Flabbinn kveður...