Verzlunarmannahelgin að bresta á og 100asta bloggskriftin mín...
Já það dregur sko til stórra tíðinda á þessum blauta fyrsta degi verzlunarmannahelgarinnar, jú þannig er mál með vexti að karlinn er barasta búinn að blogga 100 pósta til og með þessum, það tel ég nú barasta heljarins afrek þar sem maður er ekki meiri penni en þetta.  Í tilefni þessa verður snakk veisla haldin í kvöld upp í Borgarfirði og staupað í epla snafs með, þeir sem þekkja leiðina eru auðvitað velkomnir, þið hin verðið bara að betla snakk og snafs seinna meir af mér.
Helgin byrjar svo stundvíslega um kl 16:00 í dag með svefnpokapökkun og hamborgarakaupum og ætlar elítu gengið að bruna upp í Borgarfjörð í slot Ásgeirz Von Hraunkotz og halda það magnaða slumberpartís veislu alla helgina, með viðeigandi ps2 spilun, video glápi, grilleríi, pottarbrölti og jú kannski slöfrun á einum eða tveimur bjórum.  Þið sem ég á ekki eftir að sjá þessa helgi vona ég að skemmtið ykkur blessunarlega vel og að sólin skíni í hjörtum ykkar nær og fjær, til sjávar eða sveita, í Þýskalandi eða Frakklandi...bla bla bla..bara passið ykkur og drepist ekki með neinum lúsablésum.

Have fun kiddós :-) ...

Spurningar..
Er það eðlilegt að þykja það gaman að sitja fyrir framan tölvuna, tala við sína bestu félaga nær og fjær, drekka gin og vera sáttur með það.  Um helgina fékk ég það komment að þetta væri nú barasta glatað, að ég væri steiktur og ég veit ekki hvað og hvað.  Þannig að ég slengi þessari spurningu á ykkur, hvað finnst ykkur?  Er maður bara eðlilegur ef maður hefur gaman að fara inn á reykmettaðan pöbb þar sem maður þarf að vera 2 cm frá næsta andliti til að geta átt einhver samskipti við þá manneskju?  Telst maður eðlilegur að vilja frekar vera bara í heimhúsi og ræða við félagana annahvort gegnum tölvu eða ekki.  Ég bara spyr.

Annars gerði maður fátt um helgina, drakk smá, djammaði örlítið, æfði fullt, las slatta, hló með jóntz fullt.  Nú er bara stefnan tekin á næstu helgi, plönin farin að gerjast og allt á réttri leið.

Hvað ætlar fólk almennt að gera næstu helgi..segið mér

Mikið var..
Já mikið var að fingrafimin hjá manni sé komin í rétt form eftir góða helgi.  Kallinn fór vestur síðustu helgi og gerði sem minnst.  Helgin byrjaði með 3.5 tíma akstri vestur á Reykjanesið þar við föðursystkinin höfðum ákveðið að hittast.  Var verkefni helgarinnar að ná púlsinum aldrei upp fyrir 60 slög á mínútu og má segja að það hafi tekist með hjálp bjórs og sólar.  Helgin var heit, um 20 stiga hiti allan tímann og sól og gerði maður fátt annað en að skríða á milli sundlaugar, rúms og eldhúss.  Verður svona helgi endurtekin í ágúst, alveg bókað.
Hvað er svo á næsta leiti, jú verzlunarmannahelgin er að nálgast, líklegast mun maður eyða hluta hennar í kofa ásgeirs og vona maður bara að sólin muni vera hátt á lofti og bjórinn kaldur.  Einnig mun hin eiginlega þjóðhátið bresta á þann 6.ágúst þegar frakkinn lendir á skerinu, jú kallinn mætir og verður í heila viku, má búast við miklum mannfögnuði og hátíðhöldum á þeim tíma.  Annars er fátt að frétta, hvað með ykkur?
Afmælisbörn vikunnar, Stebbi og Arndís, til lukku með daginn(21.7), hvenær er manni svo boðið í kaffi og kleinur???
Skírn, Stefán og Linda skírðu krílið sitt á afmælisdegi Stebba, krílið fékk nafnið Heba Sól Stefánsdóttir, til lukku með það, þetta er frumlegt og fallegt nafn.

Jæja farinn að fá mér steik, cya all...komið svo með einhver comment, vill sjá lágmark 7 comment eftir daginn...

Sorrý gæs...
Í yfirferð minni í gær yfir hvað væri að frétta af hverjum þá skrifaði ég ekki um alla og hef ég fengið hótunarbréf og símhringingastunur þess efnis að mér beri að laga það og skrifa um ALLA, ellegar missa mikilvæga útlimi...here goes.
Átz megaman hefur ekki haft mikið fyrir stafni, enda nánast konulaus þar sem frúin er alltaf að vinna, félaginn deyr samt ekki ráðalaus og ákvað um daginn að prufa þá kenningu að karlmenn geti ekki gert tvo hluti í einu, reyndi hann sem sé að snyrta á sér hárið með rafmagnsrakvél og tala í símann á sama tíma, ásgeir er hárlaus í dag. Gunz sækókiller hefur verið að vinna eins og bavíani að undanförnu, held ég að þetta sé samsæri hjá öllum gagnvart mér, vinna meira og forðast Benji. Tino er enn að jafna sig eftir dönskuveikina, eyðir kvöldunum heima með álhatt á höfði og Kim Larsen plötur á fóninum. Alman er að undirbúa komu sína til Íslands, pakkandi öllu steini léttara og var að fá gám í hlað til að troða öllum dönsku safngripunum í. Agga beib var að eignast strák, til lukku Agga :-). Baldur og frú voru að fá nýja íbúð, staðsett á grettisgötunni minnir mig, endilega dettið við í kaffi og kleinur hjá þeim. Kötturinn Seifur hefur verið voðalega upptekinn við afturendaþrif og við áeftirboltauppogniðurstiga æfingar en finnur sér samt tíma til að plotta árásir á tærnar mínar á næturnar.
Hmmm nú held ég að ég hafi náð svona flestum, ef ekki þá veit að ég fæ að vita af því one way or the other.

Jæja farinn að pakka fyrir morgundaginn..jeij jibbíjeij

Vissu þið...
Að í dag er merkisdagur, já þessi dagur fyrir um 215 árum(1789) markaði upphaf frönsku byltingunnar með áhlaupinu á Bastilluna og þar með varð kaflaskipti í franskri sögu.
Að á morgun fyrir 398 árum fæddist einn af merkari málurum sögunnar, Rembrandt að nafni.
Að í gær fyrir 19 árum voru Live Aid tónleikarnir haldnir sem eru þeir tónleikar sem hafa fengið hvað mest áhorf í sögunni.

Jaahá ég held að þið hafið ekki vitað neitt af þessu. Svona er viskubrunnur Benji djúpur og innihaldsríkur. Hvað hefur svo verið að gerast hjá fólkinu, jaa hjá mér hefur lífið verið ljúft og gott, nóg að gera bæði í vinnu sem utan hennar, eins og um næstu helgi er stefnan tekin vestur á firði í sanna sveitasælu með tilheyrandi grillpakka og spileríi. Macy, Addí og Gullí hafa ekki sést utan vinnu nema fullar, en þær stöllurnar vinna way to much að mínu mati..heeelló sumar, njóta lífsins heeelllóó, Ása og Einsi veit ég ekki bara hvað hafa verið að gera nema að þau voru í norðlensku sveitasælunni fyrir einhverju síðan. Stebbi og Linda eru alltaf "heima" samkvæmt nýjustu upplýsingum, eða ekki, sumir hafa reynt að fara í heimsókn þangað nokkrum sinnum en án árangurs. Kannski það ætti að búa til hópferð þangað bráðlega, og tjalda þar fyrir utan þangað til maður fær að sjá nýjasta erfingjann. Kritz er fluttur til Berlínar, flutti fyrir rúmri viku, kallinn er að fíla sig vel þarna í léttum skólapakka og að taka inn blandaða menningarstrauma. Fannsa, hmmm ekkert heyrt síðan síðast, held hún sé eflaust að leggja lokahönd á brottförina til Spánar. Jontz og frú eru barasta í góðum fíling, utan þess sem kallinn er alltaf eitthvað að vera veikur, eflaust kominn tími til að breyta frá rauðvínskúrnum yfir í eitthvað fjölbreyttara...hehe. Hefur einhver frétt af Rósu og kalli?

Jæja nóg í bili af blaðri, farinn að finna sjálfan mig...

Í gær var glugganum mínum stolið...
Já í gær gerðist það voðaverk að glugganum mínum hér í vinnunni var stolið, einhverntímann á milli 12 og 15 hafa óprúttnir einstaklingar læðst hér fyrir aftan mig og stolið glugganum, og nú er ekkert þar nema fúin krossviðsplata í hans stað. Þetta var stór og fallegur gluggi, glær og ferkanntaður og tvöfaldur með mjúka áferð, hann svarar kallinu gluggi og er mjög hrifinn af ajaxi. Ef einhver rekst á villtan glugga eða menn berandi stóran 3 x 2 glugga þá vinsamlegast hafið samband við mig eða sendið póst á windowwatcher@seethrough.zorglub.

Farinn að stara út um...já nei..á krossviðsplötuna..

Andremma, hver pantaði það...
Ég fór á fund í morgun, fundurinn eins og hinir fundirnir með þessum einstaklingum var mjög svo svæfandi og langdreginn, menn að tala út í eitt um eitthvað sem allir náðu í fyrsta skiptið sem það var rætt, en allaveganna við sátum þarna félagararnir, að berjast við að sýna ekki þreytumerkin okkar, verjast ásókn dagdrauma og þjórandi kaffi eins manni væri borgað fyrir það. Skyndilega finn ég alveg skerandi lykt, lykt sem fær nefhárin til að krullast upp og augun til að tárast, hvað í ósköpunum gæti búið til þessa lykt. Ég byrjaði auðvitað að athuga hvort deóið mitt væri eitthvað myglað...sniff sniff..nei mar þessi fínasta lykt þaðan, hmm bíddu var ég ekki örugglega í hreinum sokkum...löppin léttilega krossuð upp á hné og svo þegar allir litu á skjávarpann, snögg áframhausshreyfing og sniffað...sniff sniff...nei fínasta sápulykt þaðan. Í sömu andrá hvíslar félagi minn að mér og spyr hvort ég hafi verið að éta úldna rottu, ég svara fyrir mig um hæl og við sitjum þarna, með nefið út í lofti að reyna að festa upprunann við þessa ódæmis fnyk. Á meðan heldur fundurinn sinn vanagang og einstaklingarnir labba um allan salin og tala og tala, svo kemur annar þeirra að mér, hallar sér og er að útskýra teikningu fyrir framan mig og þar kom fnykurinn aftur, súrt skolp væri himnasæla samanborið við þennan fnyk. Ég byrjaði að tárast út í eitt, hann talaði og talaði, ég kinkaði kolli inn á milli, hélt í mér andanum með tárin í augunum og óskaði eftir kraftaverki til að bjarga mér frá þessum gangandi eiturspúandi einstaklingi. Hvað fær menn til að finna ekki eigin andremmu, í alvöru talað, ef ég bursta ekki tennurnar eða hef verið að éta einhvern myglaðan skít þá er ég mjög var þess, og fæ mér allt það sem getur spornað við andremmu. En þessi ágæti einstaklingur, hefur greinilega verið að sjúga eitthvað ræsið eða jafnvel ekki kynnst tannbursta því það er ekki eðlilegt hversu mögnuð þessi stybba var. The moral of the story, burstið tennurnar, gangið með tyggjó og plííís checkið á lyktinni áður en þið farið á fund.

Farinn að gasa...

Úff segi ég bara...
Já úff segi ég bara, helgin var alveg hreint mögnuð í alla staði. Föstudagur, ekið upp í Húsafell og tjaldinu þrusað upp, vindsænginni pumpað í snatri og svo fyrsti bjór ferðarinnar opnaður...jeremías hvað hann var góður, ég vill persónulega þakka framleiðendum Calsbergs fyrir mjög góðan árgang af bjór. Kvöldið fór svo í að setja upp tjaldbúðir, með partítjaldið í miðjunni, alls voru um 8 tjöld í grúppunni, og því var stemmningin ansi mögnuð. Gítarspil og partíleikir einkenndu svo þetta kvöld sem endaði á bjórþambi úr poka um kvöldið...minn dó inn í tjaldi áður en það gerðist. Laugardagurinn, sumir vöknuðu ekki fyrr en um 6 á laugardeginum en aðrir fengu sér heilsu göngu, sund og spriklerí um daginn (auðvitað er ég einn af þeim), það er alveg ótrúlega næs að vera í húsafelli, verð bara muna næst eftir golfkylfunum, eða nær í lagi að versla mér golfkylfur áður en ég fer aftur þangað...þessi fíni 9 holu völlur þarna. Um kvöldið var svo bara spilað, drukkið, sungið, rölt, og fíflast. Sunnudagur, Sá dagur var pjúra tjill, farið í pottinn, étið hvaða mat sem var eftir, pakkað í rólegheitum og svo keyrt heim, ég er get alveg ófeiminn sagt að Húsafell er brilliant staður og verður hann ofarlega næst þegar verið er að ræða um tjaldferð, ekki nema um 1.5 klst að keyra þetta og það er allt þarna sem maður þarfnast fyrir góða stund.

jæja farinn að plana næstu ferð...

T-0 DAGAR í helgina...
Helgin er barasta komin, vinna í svona eins og 4 tíma í viðbót og svo bara skella sér í tjaldferð. Úff hvað ég hlakka til, vera í góðra vina hóp og grilla og grallarast fram á nótt. Ég vona að allir eigi góða helgi framundan...

Cya all kiddós...

T-1 DAGUR í helgina...jeij jeij jibbíjeij
Úff spennan magnast, eirðarleysið farið að myndast, titringurinn í hægri fæti kominn upp úr öllu valdi og manni er farið að þyrsta ískyggilega. Spáin er nokkuð fín fyrir helgina á flestum svæðum, skýjað, ágætur hiti, þurrt og lítill vindur, og því vonandi verður alveg prima tjaldferðarveður. Stefnan er líklegast eitthvað upp í Borgarfjörðinn en endanleg ákvörðun verður tekin í kvöld. Og hvert er fólk yfirleitt að fara þessa helgina, jú svona innan innsta hrings var gerð smá skoðankönnun og voru þeir staðir sem fólk stefndi á eftirfarandi, Borgarfjörðurinn, Húsafellið, Þórsmörk, Heiðmörk og svo norður í land. Ég held að það beri að varast suma staði, Laugarvatn, Húsafell og þessháttar svæði þar sem gelgjustuðullinn verður eflaust mjög hár þar. Langidalur í Þórsmörkinni er lokaður, reyndar líka Húsafell fyrir svona partíhópa en þá er bara að finna sér aðra laut til þess að djúsa í og ég held að Skógar séu líka að fyllast. Þeir sem leggja af stað árla morguns bið ég um að muna eftir nauðsynjum eins og bjórnum, gítarnum, grillinu, pylsunum, sokkunum, regngalla, flíspeysu, svefnpoka, stuttbuxum, sundfötum, góðum skóm, tannbursta, smokkum (fyrir þá stöku :-)), sólarvörn, fullhlöðnum síma, morgunmat, hádegismat, kvöldmat, snarl, flísatöng, vasahníf, kodda, myndavél, handklæði, söngbókum, góða skapinu og stuðinu.
Ég vona svo að allir nái að gera eitthvað skemmtilegt þessa helgi og það verður svo sögustund á mánudag þar sem fólk verður að tjá sig um helgarskandalana...jeij.

Jæja farinn að fá mér róandi...pís át