Ríkur == leiðinlegur?

Afhverju er það að meiri hluti þeirra sem ég þekki og eru ríkir (sem eru ekki margir) þá meina ég RÍÍÍKIR, ekki bara svona þægilega vel stæðir, eru svona einstaklega leiðinlegt fólk. Ég þekki einn, hann er svo innilega gjörsamlega út úr kortinu leiðinlegur kallinn að gráum hárum fjölgar um 500 í hvert skipti sem hann nálgast. Þessi kall á allt, rosalegan bíl, fyrirtæki, svaka hús, eignir út um allt, haug af börnum og stórsjó af seðlum...en hann er barasta svona líkast til leiðinlegur, nonstop væl, endalaus paranoja og brosir einungis þegar honum hefur tekist að murka lífið úr einhverju smáfyrirtækinu. Svo er annar, ekki eins ríkur, slatta vel stæður samt, en hann heldur virkilega að hann sé the booomb, rolemodel fyrir alla og að allir og ömmur þeirra dýrki hann, en meeeen hvað hann er leiðinlegur og heimskur, oft á fundum finnst mér ég vera að horfa á stillimynd í slow motion þegar ég tala við hann, ekkert nema tóm augun starandi, með opinn kjaftinn og maður finnur að það er engin virkni í gráu drullunni hjá honum....og það eru sko fleiri...nenni ekki bara að tala um þá. Er þetta staðreynd að maður er bara meira happy á núllinu, á maður ekkert að vera að rembast þetta kannski? Sleppa bara þessu "verðaríkur" plani? Ég veit ekki, kannski er það ekki þess virði ef maður verður svona út úr kortinu leiðinlegur.

Jæja farinn að fá mér beikon til að hressa upp á daginn...

Ha ha...sniff... ha ha...sniff... ha ha.....

Já maður veit ekki hvort maður eigi að hlæja eða gráta með þetta blessaða júróvísjón. Í fleiri vikur hefur á hverjum degi verið umfjöllun um framlag okkar til keppninnar, hversu geggað það væri, hversu mikið allir í alheiminum fíla það, hvað veðbankar í fjarkanistan spá því hátt uppi og hvað skandinavísku spekúlantarnir á rúv dýrka það. Og hvað gerist svo...jú lagið okkar æðislega, sem "allir" áttu að fíla svona mikið, meikar ekki einu sinni aðal keppnina, tapar fyrir svona eðal gaurum eins og nossurunum sem greinilega komu bara til að skemmta sér. Æ úff og núna er helgin eflaust ónýt fyrir svooo marga æsta íslenska júróvísjón aðdáendur, því hvað er júróvísjón annað en léleg framhaldsskólasöngkeppni og hvernig á maður að nenna að horfa á hana þegar sinn skóli er ekki einu sinni að keppa...össss Þannig að ég held þetta verði bara ósköp venjuleg djammhelgi núna, eða réttar sagt vinnuhelgi hjá mér. Reyna að vera súperdúperduglegur þessa helgina því maður á von á sænskri heimsókn helgina á eftir og þá er sko eins gott að vera komið með postulínið í gang.

farinn....

Nett þungir dagar..
Úff hvað síðustu dagar hafa verið eitthvað baaah þungir og eiginlega bara leiðinlegir. Tinna búin að vera veik og þá enginn til að tuða í í vinnunni og eiginlega ekki heima heldur, hún liggur þar með rautt nef og hálf meðvitundarlaus. Jón eitthvað mega bissí og lítið verið online, ásgeir að endurheimta alla klukkutímana sem maren var í usa og svona væri hægt lengi að telja. Svaf lítið síðustu nótt vegna Tinnu, hún var að rembast við að ná lungunum út úr sér, gafst svo loks upp á því upp úr 6 í morgun greyið, 15 kaffibollar farnir í dag og 4 súkkulaðistykki, samt er eins og það eina sem er virkt í kollinum í dag sé lítil suðandi fluga að leita af útgangi...úff mega mygla. Fullt sem þarf að gerast í dag í vinnunni, eiginlega of mikið..en eeeenginn vilji verð ég nú barasta að segja, áhuginn í -54%. En það horfir bjartar við, öll síðustu vinnukvöld að fara að borga sig, 85% af baðherberginu búið, á 2 boðsmiða á star wars myndina í kvöld og svo er júróvísjón helgin framundan.

Jæja vona að þið séuð ekki jafn mygluð og ég, en ef svo þá er hér eitt stykki linkur sem gaf mér smá orku bússt...enjoy

Dídídídí...Fréttir...Dídídídídí

Sést hefur til tveggja grunsamlegra einstaklinga á vappi í miðbæ reykjavíkur síðustu daga. Þessir einstaklingar eru grunaðir um að hafa laumast inn í landið með þýzkri leðurbuxna sendingu sem feministafélag patreksfjarðar pantaði á dögunum. Þeir gangast víst undir nafninu Hanz og Klauz og þykjast vera bratwurzt sérfræðingar frá KleineKlunkenDunkenStadt en yfirvöld grunar þá í raun vera að dreifa boðskap Júróvísjóns og hins djöfullegs júrópoppz. Samkvæmt upplýsingum frá Steindóru Laxdal formanni feminstafélags patró sagði þá hafa verið í alla staði kurteisa og vel til fara.."Sannkallaðar tískubólur...svo vel til fara og nýtískulegir"..sagði formaðurinn. Lögreglan vill biðja alla þá sem vettlingi geta valdið að finna þessa menn, yfirvöld munu í dag reyna að spila Scooter við ráðhús reykjavíkur kl 3 í dag, til að tæla þá þar að og veiða svo í net. Eins og myndin hér að neða gefur til kynna þá eru þetta eindæmum augljóslega stóóórhættulegir menn...lets pray...

Allt um Eurovisionið hér...

Eurovisionglamúrteitisstuðpartíjeeee!!
Er ekki farið að koma að smá júróvisjón upphitun, eða allavegann júróvísjón plönum. Nú byrjum við í forkeppni, verður þá ekki að vera forkeppnisteiti líka, og hvar verður teitið, heima hjá mér eða þér eða ekkert bara. Allaveganna ætlum við Tinna að vera í Selmusamfestingunum okkar saman með mjólk og popp, vonandi á Skeljagrandanum, horfandi á gyðju vors tíma, Selmu stíga á stokkana syngjandi the ultimate fryggðunarlag EVER. Ef einhverjir hafa áhuga á að vera með eða bjóða okkur að vera memm eða bara in general að röfla um eitthvað...við mig...þá verið í spotta, reipi eða jafnvel þræði...